【點新聞報道】一連兩集台慶綜藝節目《芷珊再約王嘉爾》，直率的王嘉爾（Jackson）罕有大方自揭曾做醫美與「啪骨」。
Jackson說：「（做藝人）都真係要醫美嘅，人哋唔公開啫，我公開」「喺韓國，有啲叫整骨？我都係30歲之後開始就……（意指做啪臉骨療程）」芷珊聞言後大讚Jackson夠坦白，Jackson對此再坦率回應：「但係咁冇錯架嘛，醫美係（藝人）工作（一部分）。」Jackson更感性謂，每一行都必然有需要的付出和辛酸：「每一行都辛苦嘅，唔同辛苦啫，譬如話Magic man，我突然之間好肥嘅話，或者皮膚、舞蹈冇管理好等等，就會變成唔似樣嘅Magic man，so I try my best。」
在巡唱頭炮曼谷站的Encore環節，有男粉絲於台上偷吻Jackson，Jackson笑言「未算瘋狂」，並發表驚人「底褲底線」：「（就算）除褲OK嘅，但唔好除底褲，依家一切講嘅都係假設……可能3年後我已經做咗。」
於香港土生土長的Jackson，是首位到韓國發展當練習生並成功出道的男歌手，無論廣東話、普通話、英文或是韓文都難不倒他，但Jackson卻自嘲「冇一個係Master」，更直認曾因唱廣東話歌咬字不佳惹負評：「啲人會話『你唱乜、你有懶音呀』」、「其實原本廣東話我有時都好有信心，但睇完評論之後，發覺原來唔係嗰件事。」
Jackson又談及低谷期的過程及感受，他坦認一度以酒精麻醉自己：「有時飲到醉曬咪瞓街囉，但我由細到大覺得飲酒麻醉有鬼用咩……所以話道理講我都識，但真係到自己時就未必得。」
（點新聞特約記者陳惠芳報道）
收藏
取消收藏
分享
