【點新聞報道】車婉婉主持的《中年好聲音4》，昨晚（23日）首播，首站內容是新馬賽區。昨晚登場的10位選手，最終有兩名五燈選手成功晉級，分別是獻唱《聽海》的尤淑情，及獻唱《夜夜夜夜》的卓猷燕。
《中4》常駐評審有肥媽、周國豐、張佳添、海兒及新加入的「小辣椒」谷婭溦（小谷）。由於小谷是一位既熱血又充滿好奇心的評審，並經常化身「問題少女」及「成語專員」，令整個評審團的互動更為搞笑。小谷最搞笑的一幕是，當第一位出場的黃紹祖獲得肥媽第一盞燈後，小谷即心急追問肥媽參賽者真身「靚唔靚仔」，結果遭肥媽公開篤爆，事件還「禍及」海兒，肥媽指完小谷指海兒謂：「呢啲冇義氣架！我一開咗（個板），佢哋就猛問『靚唔靚仔呀？』『高唔高大呀』」，海兒聞言即露出「心虛古惑樣」，場面搞笑。
問題同四字成語Round Round都多的小谷，對於參賽者的表現亦相當肉緊，面對無論顏值及唱功均甚有潛力的4燈選手梁煜坤，小谷即場教授發音技巧、表現認真。
第一集除了兩位「5燈殺手」，獻唱《你是我的眼》的4燈得主梁煜坤實力亦不容忽視。樣子酷似藝人梁俊一的煜坤，由於聲線磁性又有感情，只唱了不足10秒已吸引肥媽極速撳燈，肥媽「開板」後，更對煜坤的顏值讚嘆不已：「要樣有樣，要聲有聲，又靚仔又靚聲，得啦！」
（點新聞特約記者陳惠芳報道）
收藏
取消收藏
分享
