【點新聞報道】「吳若希《Gossip of Me》演唱會」佛山站，日前圓滿完成全場爆滿，Jinny把她所有名曲帶到佛山送給當地歌迷，也請來了Aster劉芷君為特別嘉賓。
Jinny出場便一口氣唱了《炊煙》和《暗湧》，之後她說：「今年係我入行第15年，今次演唱會主題係《Gossip of Me》，咁多年嚟唔開心又係咁樣過，而家大咗，又經歷咗咁多事，我覺得只要做好自己，無論遇到任何Gossip，我都係最好嘅吳若希。」此時台下有觀眾大叫要和Jinny一起變老，Jinny笑說回應：「同我一齊變老？好吖，我希望我可以唱到40歲，今年33歲，仲有7年可以唱，之後我就退休，但係唔緊要嘅，我覺得每一次要珍惜我哋可以見到面嘅機會。」
換過另一套服飾後，Jinny再次回到台上表演，更到台下和觀眾握手互動，場面熱鬧。接着Aster便出場又唱又跳經典國語歌《Bad Boy》。及後Jinny又說：「我好想多謝我嘅Fans，有咗佢哋我先可以收到咁多愛，由出道到而家呢15個年頭，中間發生好多事，有一班人依然係我身邊陪伴住我，所有人我都好珍惜，多謝佢哋曾經係我生命之中出現過，所以好多謝各位今晚嚟到現場支持我，送俾大家《感激跟你能夠遇見》。」在唱此曲時Jinny一時感觸流淚，最後她以一首大家也能一起唱的《越難越愛》為個唱佛山站畫上圓滿句號。
（點新聞特約記者陳惠芳報道）
收藏
取消收藏
分享
