【點新聞報道】當小孩子未能判斷是非時，身教尤其重要。網上近日瘋傳一段3歲男童吸煙的影片，顯示一名老翁與一名男童踎在地上，當中老翁正在吸煙，而男童手上亦拿着香煙。現場有街坊已經見到男童吸食了幾啖，於是出言制止「唔好咁樣俾個小朋友食！咁細個！」，惟老翁不以為然，笑笑口話「畀佢玩下啫！」。
有網民在社文平台threads上傳一段影片，表示「有個目測3歲小朋友，喺元朗同（阿爺／呀公）一齊食煙，麻煩大家廣傳出去，希望比到佢父母睇到！」。從影片可見，一名老翁與一名男童踎在地上，當中老翁正在吸煙，而男童手上亦拿着香煙，未見吸食動作。
樓主表示，當日行經元朗怡豐花園對開時，見到男童跟祖父一起行走，祖父當時手拎一支香煙，口裏同時又有一支。樓主感到奇怪，便在兩人身後望多幾眼，點知見到男童向祖父索煙，之後還手勢熟練地吸了兩啖，「個細路做手勢叫(呀爺/呀公)比佢，指住支煙再指住自己個口，跟住就望住細路仔好純熟用食指中指夾住支煙喺到啜咗2、3啖 ，佢（阿爺／阿公）就再同個細佬行前踎喺樹邊一齊喺到食」。
樓主和附近的街坊見狀立即上前制止，「我一見到然後我就即刻行上前，旁邊有其他家長都見到就出聲叫佢，唔好咁樣畀個小朋友食！咁細個！...好多人已經見到佢吸咗幾啖」，而老翁則不以為然，仲笑笑口話「比佢玩下啫！」
樓主續指，他們兩人同行的人亦完全無勸阻，「同行仲有個工人同埋(婆婆/阿嫲)同個哥哥，佢哋完全無出聲，淨係圍住2個踎咗喺度食煙嘅小朋友同佢(呀爺/呀公)，跟住就走埋一邊話好多人望住！」。
樓主希望男童的父母能看到影片，「我相信佢一定唔係第一次！真係好過分！！」。帖文引起網民熱議，紛紛炮轟老翁的行為離譜，「應該算虐待兒童 」、「畀兒童食煙應該都係虐兒！」、「好離譜！仲要畀個細路仔食煙，知唔知煙草對於一個未成年而且仍在發育階段嘅兒童嚟講，係可以造成好深遠嘅禍害架！」、「係咪可以報警呀？」。
收藏
取消收藏
分享
