【點新聞報道】一家五口移民英國的過氣歌手吳日言，在英國雷丁開設的餐廳，開業不足半年便與業主爆發爭執，更拍片公審對方為「麻煩先生」。不過，網民不買賬，反嘲「呢個女人都係麻煩人嚟㗎喎！」。
吳日言今年在雷丁開了一間餐廳，簽了 18年合約，然而開業不足半年便與業主爆發爭執。她日前在社交平台以上傳影片，表示「好多人都想聽故仔，我就幫Mr. Trouble（麻煩先生）開一個節目，講吓佢嘅故仔」。
影片中，吳日言語帶輕蔑地表示「我真係恭喜晒你，業主同租客保持良好關係，咁就梗係win win，但我遇上一個麻煩的業主吖」。她稱呼業主為「Mr. Trouble」，指「其實在2025年5、6月裝修嘅時候，已經收到佢的不合理濫收的費用」，她舉例，會突然之間收到對方的電郵，指其裝修工人清理垃圾時搞到烏煙瘴氣、好污糟邋遢，但當她仔細查看業主提供的照片後，認為指控並不成立。
「我逐張相打開睇，一打開啲相嘅時候，嘩！又真係好難接受喎。我有嘗試返去搵返嗰幾粒塵，但係就真係搵唔到。而且嗰幾張相喺大街拍攝。」最終她收到業主發出的一張114英鎊（約1,162.7港元）的清潔費帳單，指是「由於承包商垃圾清運造成的髒亂，需要對後樓梯和服務場附近的外部區域進行清潔」。吳日言並於文末打上「#我的麻煩業主 #mrtrouble」的標籤。
不過，網民不買賬，紛紛留言揶揄「呢個女人都係麻煩人嚟㗎喎！之前有報道話佢喺香港有不數又未清，去到國外又搞咗裝修費嘅數又未搞清，人哋公開同佢追數」、「搞到一鑊粥，之後就可以走佬，你最鍾意㗎啦」、「直程懸崖式衰老！冇晒星味！保養差變咗C9 一名！」、「18年惡夢先啱啱開始」、「一面鏡」、「唔找數咪得囉，你都慣架啦」。
收藏
取消收藏
分享
