【點新聞報道】近日，本港一名女子於社交平台上分享一件舊物，指其家人無意間找出早年益力多附贈的飲管配件，引發網民感嘆時間過得太快。
女子於Threads發文發相，表示「屋企人唔知喺邊度摷出嚟嘅陳年益力多飲管，勁耐冇見過！！勁cute」。從女子上傳的相片中可見，一堆飲管被裝在一個塑料袋中，塑料袋外印着「健康科學，益力多」。雖然現在市面上仍可購得益力多的產品，但這款伴隨着許多人成長的周邊小配件卻已慢慢消失在市場中。
帖文引發網上熱議，許多網民感慨，「呢包嘢就嚟要入歷史博物館」、「用一枝飲管一次過飲五樽」、「我細個唔飲水，我媽會將啲水倒落益力多樽，加埋呢枝飲管呃我飲水，而我又真係肯飲」、「我都有，可能有十年以上，好襟用」、「可以入博物館」、「好正，細個最鍾意呢枝飲管，飲可樂都用佢」、「用飲管會好飲好多，唔知點解」、「好懷舊呀，真係出去士多買先見。但係呢個好似無咗廿年？」。亦有網民好奇，「真係唔明點解唔再出，搞到而家一啖一樽覺得好貴」。
收藏
取消收藏
分享
