【點新聞報道】元朗玩具站發生學生偷竊事件。網上流傳一段影片，顯示一名身穿校服的男學生在店內偷竊「斷正」。惟店員處理手法惹爭議，有網民支持報警懲戒，有人則希望應給予機會。
有網民18日晚在社交平台threads上載一段影片，寫道：「依家啲細路都幾大膽，偷嘢仲要着住校服」。影片全長13秒，可見被一名身穿校服的男學生，被男店員緊抓着手部及書包，學生不斷掙扎，其間一名黑衣男子上前詢問情況。樓主其後補充，「頭先我喺間舖睇嘢，見個職員係咁喺我附近行嚟行去，仲以為係（目及）住我，原來係（目及）呢個（口靚）仔」，又指「頭先聽到話報咗警，但我之後行返轉頭聽到話個（口靚）仔跑走咗」。
帖文一出，有多名自稱是涉事學生的同學指該學生是慣犯，「我同佢同級～～...之前佢喺學校文具展偷過好多筆，之後畀個訓導阿Sir斷正，條友情緒有啲唔正常，已經唔係第一次，有偷癮」、「我係佢同班同學，佢之前form 1都偷好多同學啲文具加上偷過學校文具展啲螢光筆，學校應該畀咗好多次機會佢，但佢唔珍惜學校畀佢嘅機會」。
更有自稱其學校的主任留言求情，「我係依個小朋友學校嘅主任，其實佢唔係偷嘢，佢只係想拎返屋企畀佢阿媽睇買唔買得。佢屋企比較嚴，希望店主可以畀佢一次機會改過自新，我哋亦會好好教導佢。」
事件引起網民熱議，有人留言表示「呢啲應該細個就要開始教，唔可以姑息！」、「睇嚟要畀警察警誡下佢先得」、「睇嚟慣犯嚟，咁多人認得佢」、「救命，而家啲師弟係咁偷嘢，自己着套運動服都覺得好瘀」。
另有網民希望給予該學生機會，「不要網絡欺凌」、「小朋友嚟啫，使唔使咁樣捉佢？」、「他只是個孩子啊！」、「其實個staff真係唔好咁落力捉」、「我哋嘅年代學生偷嘢，老闆係會打畀學校叫老師過嚟」等。
警方回覆傳媒查詢時表示，11月18日中午接獲報案，指1名男童在元朗朗日路1商場店鋪內盜去約值440元玩具，警員於同日下午在元朗區拘捕該名13歲男童，涉嫌「店鋪盜竊」。他獲准保釋候查，須於下月向警方報到。
收藏
取消收藏
分享
