【點新聞報道】不少移民英國港人很難習慣英國職場文化，近日有移英港人在網上大呻，在職業生涯中首次收到公司HR的警告信，指他沒有關心下屬的精神健康，要求他「守行為」同再上堂，他無奈指這是「呢度職場打工仔手上皇牌」。
該名移英港人在社交平台threads以「英國職場」為題發文，大呻自己首次收到公司HR的警告信，「真係有啲無奈」。話說有兩名前下屬在離職問卷調查中，反映感到工作壓力大，「HR話我可能冇safe guard下屬嘅精神健康。令同事有工作壓力，甚至有時唔敢放假」。公司要求我『守行為』同再上堂，尤其係要學識關心同事的mental health（精神健康）」。
HR在信中解釋出警告信的原因，「明白我（樓主）可能冇做錯任何嘢，但公司制度係要保障員工mental health」，所以收到調查報告後，需要進行跟進。最終樓主「用幾分鐘叫AI好好睇睇回覆返HR」，但坦言「雖然只是一封email...但其實都令我心情唔多好」。
樓主抱怨表示「英國人事比香港煩十倍，一句說話，問少一句『How's your weekend？』都可以畀人話唔夠關心」。樓主解釋自己主張唔干涉下屬，「我的team其實係公司幾hea 嘅team .. 正正因為白痴都知文化唔同，我盡量都唔會干涉，而且我都過咗博上位嘅階段。」樓主無奈地指出，「呢度（英國）職場打工仔手上皇牌-精神健康，的確係非常非常之受重視，」並詢問是否有經理級別的港人能夠分享經驗。
不過，網民並不買賬，紛紛留言「大家都係打份工，點解唔諗吓有咩方法去改善，淨係一味話係人哋問題呢？唔會檢討自己嘅人，真係好難相處」、「這邊唔太適合用香港個套，咩都直接、快狠準、做錯就話，要客客氣氣」、「好明顯你帶咗香港toxic文化去」、「香港人最少同理心，最多自尊心，去到外國就好易水土不服」、「拜托好好反省，唔好影衰香港人 」。
收藏
取消收藏
分享
