【點新聞報道】購物中心玻璃門擦得太乾淨，常常會發生意外！近日東薈城有一名大媽未有察覺店舖已關門，迎頭猛撞上玻璃門，惱羞成怒質問店員「閂咗門，你點表示啊？你點表示畀客聽？」，面對大媽連珠炮發，店員則冷靜回應。影片曝光後，網民一面倒支持店員，批評大媽無理取鬧。
有網民在社交平台threads發布一段影片，寫道：「自己撞咗落玻璃門度，怪間舖冇落close牌，青山係咪走漏咗個」。從影片可見，事發於東涌東薈城某間時裝店門外，當時店舖已關門。惟一位身穿黑色上衣、手拎購物袋的大媽，沒有察覺店舖已關門，結果迎頭撞上玻璃門。
大媽不滿店員態度，大聲指責「我想請問下你咁樣一個透明嘅，好似人咁高、比人高，其實都算玻璃牆啊，咁你第一句就賴我話有把手」，店員解釋「我講唔好意思，有個把手，你應該可能望唔到……」。
大媽續指，「我如果撞到把手嘅話我唔賴你，但喺呢個係玻璃，阻住我，我想睇下你嗰件衫，但係撞到我就係玻璃唔係把手，如果係把手我未見到，ok，但係你咁樣關住個玻璃門，唔畀客入，係咁解嘛？」。店員解釋「我哋係閂咗門」，女子即打斷反問「閂咗門，你點表示啊？你點表示畀客聽？」，又指「你有客喺度，無任何標示閂咗門」。店員冷靜回應「真係好抱歉，我幫你反映返上去（寫字樓）」，大媽仍不滿表示「你睇下呢個態度」。影片至此結束。
影片一出即引起網民熱議，不少人批評大媽的行為，「正牌西客」、「自己Ｘ咗，覺得冇面，就鬧商店冇掛牌Ｘ咗就認啦，係瘀皮咗，而家有好多人知道」、「老鍊咁大個門柄黐喺門中間，仲要eye level 都睇唔到，難道個門柄會自己浮喺半空中咩？」、「本身就係諗住閂埋度門嚟表示閂咗門」。
另有網民大讚店員表現冷靜，「Sales 好高EQ,」、「個店員認真好好態度」。
收藏
取消收藏
分享
