【點新聞報道】近日，有港女在社交平台發文，指有美容院張貼以「排水管故障」為由的告示，禁止顧客在店內廁所「開大」。為防止出現違規行為，更在馬桶內加裝擋板，引發網上熱議。
該港女於Thread上傳相片，直指「有咩慘得過有廁所但唔畀人痾屎，急起上嚟痾咗會點」。從樓主上傳的相片中可見，廁所牆上張貼告示，上面明確寫着要求顧客如廁時「絕對不能沖走紙張及大容積物」，並指示「如需大號請稍移玉步至店外的洗手間」。告示內還有禁止「開大」的圖標。為進一步阻止客人「開大」，店家更在馬桶內部加裝透明帶有小孔的擋板，使排泄物、紙張等大容積物無法沖走。最後，告示內文以「不便之處敬請見諒」結尾。
帖文迅速掀起熱議，許多網民揶揄「D員工要痾屎要出街疴？阿Cindy你同我招呼住陳太先，我去對面麥記痾屎」、「真係不『便』之處啦。。。」、「真係貫徹『靚女唔痾屎』嘅格言」、「都唔畀痾要個廁所嚟做咩」、「做完facial 就會變咗靚女，靚女呢就唔使痾屎嘅」、「不『便』之處」、「大容積物lol」，還有網民質疑「個廁所應該唔係駁屎渠，偷雞駁去水」、「諗下背後原因就好嘔心，衰過唔提供廁所」。
亦有網民表示類似情況並非個例，稱「試過餐廳又係唔畀痾，全餐飯食到提心吊膽」。
收藏
取消收藏
分享
