【點新聞報道】Gin Lee李幸倪昨晚（19日）為傳奇Hip Hop組合BLACK EYED PEAS世界巡迴演唱會香港站擔任暖場嘉賓。Gin Lee一出場即跳唱出三首快歌後，即宣布明年2月7日及8日，於紅館舉行一連兩場《READY FOR GIN LEE李幸倪LIVE IN CONCERT HONG KONG 2026》演唱會，全場頓時歡呼聲不絕。
相隔八年再開紅館show，Gin Lee直言等到頸都長，「等咗好耐，期待咗好耐，終於等到個最好時間同大家紅館見面！」她指今次跟8年前大不同，除了開四面台，心態上亦轉變不少，「第一次做紅館緊張到未識享受，今次成長咗、經驗多咗，終於可以好好感受同分享音樂世界。」
至於演唱會主題「Ready For」，原來有多重意思，「對我嚟講呢一場concert係好ready嘅，因為期待咗好長時間，終於等到呢一個時間，所以我嘅心情係好ready，雖然都係會有啲緊張，但係覺得我有信心可以做好，同埋呢個亦都可能係好多fans嘅心聲。」
演唱會海報，Gin Lee以透明盔甲上陣，十分性感。講到拍攝過程，Gin Lee大笑：「套透明盔甲又重又硬，裏面啲遮遮掩掩全靠造型師即場發揮，我覺得自己好赤裸，只係用小布遮住重要部位！」她又大爆同事反應，「班同事係咁尖叫，仲要係女同事，見到佢哋咁嘅反應都唔知點反應好呀！不過見到大家咁興奮，都應該係成功啦，哈哈。」至於演唱會上會否比演唱會Poster更大膽，Gin Lee大賣關子，「服飾會試唔同可能性，最緊要係靚。我而家都唔太知條底線喺邊啦，全權交畀造型師。」
（點新聞特約記者陳惠芳報道）
收藏
取消收藏
分享
