【點新聞報道】移英港人如果手上有幾個錢，處境還不至於太難堪，無錢的話就要成日要諗計點樣慳住使。一名移英港女在網上大呻，在英國搵唔返香港的人工不特止，仲要交稅交到黐線，惟有搜刮坊間的優惠券，好阿Q精神咁諗「慳錢=賺錢」喎。
有移英港人在社交平台threads發文大呻生活捉襟見肘，一名移英港女心同感受發文呻埋一份，「見到有個移英港人喺度呻，嚟咗英國之後要慳，成日都要左度右度點樣使錢，唔可以好似喺香港嗰陣時咁自由，搞到好灰好懷疑人生，我又何嘗唔係咁」。
該移英港女鬧爆英國政府擬進一步加稅，「不知選舉承諾為何物，要慳錢又唔減每年浪費天文數字既不必要公共開支，淨係識得向啲納稅人開刀，正Ｘ街」。樓主不滿交重稅，「就算成日都冇假放都搵唔返以前嘅錢，因為頂佢個肺交稅真係交到黐線，我又無賣咗幾層樓揸住幾千萬嚟英國退休」。
樓主惟有諗盡辦法節省開支，「唔知係咪個人比較阿Q 轉咗諗，一個喺香港時連易賞錢都唔用嘅，嚟到之後開始會用嗰啲買gift card嘅app呀，會比較唔同嘅app，買嗰張gift card幾多錢，（最近個jam donut水位低咗好多，呢排改用everup），仲有將啲錢搬來搬去，就係為咗賺多少少息，然後見到自己慳到少少，賺到少少就好開心」。
樓主話慳錢等同賺錢，「始終係呢一個國度慳錢=賺錢，再加上負物慾，我又唔覺得喺英國慳錢慳得好痛苦，淨係覺得慳咗啲錢，留喺日本或者其他歐洲國家駛好過」。
收藏
取消收藏
分享
