【點新聞報道】英國港人移民圈感情七國咁亂，但撬人老公點講都唔通啦！有移英人妻在網上發文大爆，老公被一名移英老女人姣溝，不斷借啲意約他外出，仲搞勁多小動作去接近他們一家人。雖然老公沒有落疊，但人妻條氣唔順，嬲爆咁問「係咪真係咁空虛寂寬覺得凍?」。
該名移英人妻在社交平台threads發文，劈頭就問「香港人移民去到英國後係咪真係咁空虛寂寬覺得凍?」人妻指有女人想破壞其婚姻，「話說我老公做嘅倉，有條44歲老女人姣溝我老公，呢個女人自己都有家庭仲有三個仔女，仲要搞咗勁多小動作去接近我哋呢一家人」。
人妻表示，該老女人頻頻以搞聚會、私下約會接近她的老公，「成件事由今年4月開始一路去到10月，呢段時間條女人搞勁多次聚會（當中有幾個家庭一齊出席），係超多!起碼一個月三次，不過中間有一個月我媽嚟玩所以冇理佢，條女人就用其他嘢chur我老公出去搵佢，例如佢買車要我老公幫手睇，仲有買大陽眼鏡第二副半價等...」。
人妻一家都覺得老女人的動機很可疑，「當時連我媽都覺得呢條女人戇Ｘ，我當時都開始對呢條老女人起疑心，當然我老公都係睬條老女人都傻啦。」而接下來，人妻就和兒子返港過暑假，老公就留英返工加班賺錢，「再下個月佢哋公司OT，我老公好想搵錢，咁啱我同個仔又返咗香港，我老公可以完全無後顧之憂地瘋狂OT」。
然而，當人妻返回英國後，老女人又再次出動，「開學前我就返咗英國，條老女人即刻chur我老公聚會，Ｘ佢老母!我條氣都未Ｘ回，有冇咁Ｘ掛住我哋呢家人?老公一開始拒絕，條老女人自把自為就改咗下星期」。
人妻坦言，老女人的種種舉動，已令她心中有條刺，表明會加倍提防，「我呢下個心超唔舒服，一定有問題，咁之後嘅聚會我就觀察佢啦...」。
收藏
取消收藏
分享
