【點新聞報道】新界街頭有路人變「超級撒亞人」？！有網民在社交平台分享奇景，顯示街上有人頭髮離奇豎起，猶如被強烈靜電吸引，畫面引起網民熱議。
該網民在社交平台threads發文表示，「究竟點解冇啦啦成條街啲人啲頭髮都有靜電」，並附上現場照片，只見路人頭髮不論長短，皆往天空中豎起。從其上載的影片可見，長髮女子的髮絲如怒髮衝冠般往天空飄起。
帖文掀起網民熱議，有人好奇事發地點「（聯和墟間RUD開咗咁多年，行過都係咁豎起晒頭髮」、「近朗屏嗰間牛奶冰室出面？」，獲樓主分別回覆：「Yss就係呢個位」，和「Yss」。
不少網民提醒頭髮豎起表示附近會被雷擊，「行雷，好危險」、「打雷，仲唔走，冇常識真係會死人」、「發現呢個情況應該盡快匿入室內，有避雷針嘅屋入面」、「小心打雷，盡量到室內的地方」。樓主留言回應「最後我冇比雷劈」、「Still alive..」。
另有網民聯想卡通電影人物，搞笑留言「趁行雷前，舉起手大嗌 I am Thor, son of Odin」、「舉起劍大叫（骷髏頭堡賜我力量）」、「舉起埋個槌仔，召埋雷」、「唔係大嗌月光寶盒，波嘢菠蘿咇咩」。
有網民則分析，「如果你喺餐廳出面，好大機會係人地個靜電除油煙機」、「問題係噚晚天晴，冇雷雨雲出現過」、「全部人都有錯誤觀念，以為雷電會先劈去街燈或避雷針，其實完全錯誤，雷電去哪裡只是機率問題，越高的機率相對大一些，但不代表100%，所以最好都是留在室內」。
（本文為作者觀點，不代表本媒體立場）
收藏
取消收藏
分享
