【點新聞報道】近日，有網民於社交平台分享了一張奇特的相片。從該網民上傳的相片中可見，疑似是一處公廁裏的洗手液樽，但特別之處是洗手液樽竟被鑲嵌在石屎座中。樓主直言，「搵石屎封住個梘液樽，問你點偷走？」，帖文迅速引來網民熱議。
對此，部分網民表示理解，直言「每個設計背後都有一個原因」。有網民則認為這種設計根本無法防盜，「自己拎個樽倒晒佢入面」、「檸開樽蓋倒咪得」、「疫情嗰陣d人會自己帶樽仔喺醫院診所裝搓手液自用，無恥同自私係防唔到」。還有網民調侃，「人工材料，貴過個樽」、「有藝術感」、「好設計」。
然而，亦有網民則對公廁衞生表示擔憂，「個千年樽好污糟，摸完污糟過唔洗手」、「去公眾洗手間，千祈千祈唔好用梘液，寧願用清水洗多一陣」、「你試一下擰開，睇下，條泵係咪有黴菌」。
收藏
取消收藏
分享
