【點新聞報道】汪明荃（阿姐）與羅家英（家英哥）早前出發往不丹拍攝《帶阿姐看世界》，原來二人在當地其中一站行程，穿上不丹傳統民族服裝拍攝婚紗照。
穿上不丹傳統民族服的阿姐與家英哥，雖然相愛足足36年（拍拖20年），但二人依然恍如初戀甜蜜。阿姐在埋位前為老公細心整理衣衫，家英哥在埋位後，情不自禁親了阿姐一下額頭，加上二人不時甜蜜對望及幸福甜笑，一切感覺盡在不言中。
原來阿姐與家英哥自2009年結婚後一直沒有拍過婚紗照，家英哥對這件事一直耿耿於懷，多年來也有想過飛其他地方拍攝，想不到最後在節目中夢想成真，家英哥笑言一切都是貼心監製炮製的驚喜。
家英哥受訪期間突然要阿姐呵番勁Sweet，阿姐補充謂：「因為我哋嗰時喺美國結婚，冇着到傳統婚紗/裙褂，佢（指家英哥）就成日話我哋幾時影番輯結婚相。但（今次）我都未同佢講實嘅，因為我要嚟到呢度先知啱唔啱，最後我哋着上不丹嘅傳統服裝，仲有大師祝福，又有好多村民同我哋跳舞慶祝，都幾難忘，佢哋煮啲嘢都好好食架。」家英哥聽畢在旁開心補充：「有大師加持我哋嘅婚姻，等我哋白首和諧。跟住佢哋召集咗七、八個村婦女歡迎我哋。」訪問尾聲，家英哥突然開心又感慨地表示：「我就還咗個心願嚟喇係咪呀？」說畢突然向阿姐撒嬌要求「握手仔」；阿姐雖然怕醜不知點反應好，但亦算是第一時間伸手回應老公，並「係係係」與家英哥不斷係咁握手，相當搞笑。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
