【點新聞報道】一早講咗窮人唔應該走去移民！有錢人移民去邊都可以吃香喝辣，反之窮人就愈窮愈見鬼。有網民發文指，不少移英港人「掹掹緊」過生活，捱生捱死，倒頭來都是被一班有錢的同路人揸乾揸淨，奉勸他們回頭是岸，「生活過得好唔如意，不如返嚟香港由頭嚟過啦。」
有網民在社交平台threads發文，指有錢港人移英後，大啖「人血饅頭」，將一班勉強過活的移英港人揸乾，「眼見大把錢移民英國嗰啲不知幾風流，日日諗食乜做吓瑜伽又一日。再開多幾個移英適應課程，貴租畀香港同路人或者光明頂落廣告教你做地產，食埋你啲『掹掹緊』移英人血饅頭」。
樓主指，不少移英港人終日營營役役，生活過得並不如意，「呢批人，捱生捱死，身心俱疲，目露兇光，明明無吸毒但成個道友樣咁」，不禁出言勸說他們「不如返嚟香港由頭嚟過啦。」
樓主明知帖文會招來話柄，但認為人各有志，「我覺得你哋戇Ｘ啫，你哋都可以覺得我港豬戇Ｘ。可能你哋笑到最後呢。」
有網民留言支持樓主的分析，「忠言逆耳，香港差極有個譜，英國係可以差到冇底線」、「講得啱，無錢真係唔好移民，有唔少香港底層都走去英國，但香港咁易搵錢都唔搵到，去英國搵最低工資就啱，就算有錢都悶到抽筋」、「啱呀，窮人去邊一Ｘ樣~~，返去自己熟悉嘅地方生活會比較容易」、「其實幾年前冇咁難頂㗎，生活還可以，而家差一年半載入藉嗰啲好多都心知肚明，但都係要捱埋呢一段時間佢」。
（本文為作者觀點，不代表本媒體立場）
收藏
取消收藏
分享
