【點新聞報道】移英「黃師」、網名為「香港老師也移民」成日吹噓英國生活，自誇高薪厚職、住大屋，又有白人朋友喎。她近日發文話有白人朋友街頭被搶電話，發WhatsApp訊息向她求救，點知被網民懷疑佢「老作」，質疑唔見電話又可以WhatsApp。
移英「黃師」日前在社交平台發文，話白人朋友被搶電話搵佢幫手，「我又有一位英國白人朋友響倫敦街頭畀人搶咗部電話，佢WhatsApp我，問我有冇方法可以叫我響香港嘅朋友幫佢搵返部手機」。
帖文惹來網民質疑事件的真確性，「冇咗電話都WhatsApp到」、「白人朋友畀人搶咗部電話，點樣又WhatsApp佢啊？佢轉行做英國警察？咁嘅身形應該無可能啦」、「呢個故事...唔收貨！畀人搶咗電話...但又可Whatspp佢？」。
有網民揶揄「黃師」只是乘機炫耀自己有白人朋友，「成日強調白人朋友（呢d自卑心作祟，以為白人朋友好勁，可笑係自己永遠係黃皮）」、「不管Homeless或道友，只要係白人，又聲稱當佢朋友，都無任歡喜，梗係四圍唱啦」、「畀人歧視緊，仲攞嚟光榮」。
收藏
取消收藏
分享
稿件由上傳 · 文責自負 · 不代表本網立場
