【點新聞報道】屯門一間賣雜貨的「黃店」，日前在社交平台發文賣慘，話冇人幫襯、冇收入，感到好徬徨，「估唔到...原來可以一蚊都冇，好老實講真係唔知點算好...」，之後仲情緒勒索咁話「係唔係真係要結束？」。不過，網民不買賬，批評「又想學人玩顏色」、「仲黃雨傘？d product過哂氣」、「手足去曬沙嶺」、「買垃圾回家？」。
位於屯門置樂壹號總站商場的一家「黃店」，日前就喺fb貼咗張相，話「屯門店，真係好可怕，呢兩日錢箱入面一蚊都冇」喎。該店在帖文賣慘博同情，「真係好得人驚...打開個錢箱一剎那...我以為又畀人偷錢...原來真係差到咁...」
該店大嘆生意慘淡，連一蚊收入都冇，「我記得上個月仲講緊，星期六日加埋有700蚊生意...已經令我哋好擔心...估唔到...原來可以一蚊都冇」。
事實擺在眼前，「黃店」做「獨」市生意，最終害人害己。該店暗示要執笠，「好老實講真係唔知點算好...啱啱知道咁嘅事之後，個胃開始有啲痛...係唔係真係要結束？」
不過，帖文得不到網民同情，反惹來不少人留言揶揄「過時，仲想賺依D錢」、「兩把招魂傘掛喺度，人點會入去行雲野鬼例外」、「掛幾Ｘ多把黃傘都無Ｘ用」、「仲想吃死人饅頭」、「面對現實啦，乜嘢顏色都無生意」、「汁（執）咗佢」、「哈哈仲諗住賣慘搵到食」、「你好似發緊夢？仲未瞓醒？！」。
收藏
取消收藏
分享
