【點新聞報道】香港生活便利、景色宜人，令不少人為之嚮往。一名移民香港的日本男子近日在網上發文，全力推介日本年青人移民香港，大讚在香港年年都可以挑戰新事物，人生都變得多姿多彩！
網名為「Lingmuk (鈴木)」在社交平台threads發文，分享移民香港的心境，指自己完全冇後悔，「2015年21歲嗰陣訂立咗香港移民嘅目標！19年8月正式移民過黎香港之後，一次都冇諗過返番去日本」。
鈴木亦提到當中的悲與喜，指移港初期難適應，當頭三年非常辛苦…（19年-21年）自己一個喺屋企喊咗好多次。」不過，隨着逐漸融入香港文化，他感受在「一分耕耘，一分收穫」的生活，「我依家一路做全職，一路做content creator，亦都跑埋全馬同埋山賽。年年都可以挑戰新嘢，人生都變得多姿多彩！」
鈴木鼓勵日本年青人挑戰自己，全力推介他們移民過嚟香港，「最近喺Threads見到有啲日本後生仔想移民過嚟香港，全力推介移民過嚟香港」。他以自身為例，「如果我一直都留喺日本嘅話，做唔到咁多嘢。如果你想挑戰自己嘅話，香港會啱你，加油日本後生仔！」。
不少網民留言大讚鈴木熱愛香港，「多謝你鍾意香港」、「多謝你鐘意同埋融入香港」、「鈴木加油呀！多謝你咁鍾意香港，又咁努力學咁難講嘅廣東話！仲要講得咁好！」、「香港適合喜歡精彩生活嘅人，加油呀! 」、「你好犀利 好努力 多謝你鍾意香港」、「加油呀～見過你真人仲勁好傾，覺得你好nice，人又有禮貌，廣東話又講得好好，希望你鍾意香港，熱愛香港，繼續開開心心，幸福健康順利生活」。
收藏
取消收藏
分享
