【點新聞報道】為配合全運會，《愛·回家之開心速遞》增長為一小時版，昨晚（5日）「運動是王道！」一集，講述「三太」白天娥（樊亦敏飾）懷疑「大龍生」龍敢威（羅樂林飾）有新的追求目標，因而落力瘦身減肥希望得到大龍生注意，可惜弄巧反拙。
昨晚一集最大焦點，當然是三太的泳衣造型，出動泳衣攻勢博取大龍生歡心的三太，於半分鐘內連Show 4套泳衣造型：白色少女網紗裙配可愛孖辮、花俏斗篷式泳衣外搭、配「撞色」朱唇披肩、粉紅花系泳衣裙紫色貴婦帽，以及豹紋黑色連身比堅尼。四款浮誇泳衣造型，配以「三太」招牌口頭禪：「威~哥~」，搞笑女人味兼備，獲一眾網友大讚。樊亦敏自言：本世紀「零的突破」。
直言自己多年未試過無遮掩穿着泳裝現身鏡頭：「我上一次咁着住出嚟係選港姐嗰時，都隔咗34年。其實10年前拍劇集《波士早晨》嗰陣都有着，不過嗰陣我出面着咗外衣，所以今次咁樣着住件泳衣咁樣衝出嚟，喺呢個世紀算係『零的突破』！」樊亦敏亦為拍攝此場做好身形管理功夫，又大爆對手羅樂林搞笑反應：「佢見到我着泳衣出嚟，佢應該冇諗過我會係咁樣，跟住佢成塊面紅曬，哈哈！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
