【點新聞報道】無論幾時都好，搭巴士都要保持安靜，避免滋擾其他乘客！近日網上瘋傳一段龍運巴士上的爭執影片，指巴士上層有阿婆大聲講電話，被其他乘客要求降低聲量，阿婆竟爆粗反擊，「打電話關你X事！」、「我天生大聲」。最終，巴士司機一招成功令阿婆收聲，獲網民大讚。
有乘客在社交平台threads發文及上載影片，指阿婆從上水站上車後不久，就開始「勁大聲」講電話，樓主表示「條友大聲到我戴AirPods Pro，都聽到佢係度講電話。」之後，有乘客忍唔住叫她「細聲啲」，阿婆就開始「爆粗」，怒罵「臭X！打電話關你X事！」。即使全車乘客一齊叫她「細聲d啲」，阿婆仍沒有收口「繼續X」，反嗆「你哋唔尊敬老人㗎嘛！我打個電話你話唔打得！」，甚至聲言「我天生係咁（大聲），無辦法」。
司機忍無可忍，把巴士停泊公路一旁後，到上層處理，司機向阿婆明言「你唔好咁大聲，我一報警全部……你而家細聲啲」。然而阿婆繼續與乘客爭執，司機隨即使出「奇招」，「如果你哋再嘈呢，我一報警...去旅行嘅無得去，去港珠澳全部無，而家點樣？大家妥唔妥協？」樓主指，阿婆聞言立即收聲，「條友一聽到話報警無得過澳門就即刻收皮」。
影片引起網民熱議，大多批評阿婆自私，「其實佢面皮都幾厚」、「嘈都唔緊要，點解呢啲阿姐把聲可以咁刺耳」、「而家搭車如果冇人制造噪音簡直係bonus 」。
網民並讚揚司機「做得好」，「個司機真係好型，respect」、「司機好型！同埋好難得成車乘客都咁齊心」、「車長厲害」、「司機叔叔EQ高」、「最尾大團圓结局，開到車，好事」、「大家咁齊心真好」。
（本文為作者觀點，不代表本媒體立場）
收藏
取消收藏
分享
