【點新聞報道】做生意唔老實，難有回頭客！有港男發文指，日前到街市「一個無標價錢牌嘅菜檔」購買白洋蔥，菜檔大嬸直接裝袋叫價20元，他質疑對方「想昆（言勻）我」，反問「個洋蔥鑲金㗎？斷克計㗎？」、「你夠唔夠膽大聲啲講廿蚊個洋蔥？」，令大嬸即時笠水。
該港男在社交平台threads發文表示，日前去「一個無標價錢牌嘅菜檔」買餸，質疑有大嬸想「想昆我」，因為他細細粒唔似買開餸。他憶述當時對話，他表示要個白洋蔥，大嬸直接將洋蔥裝袋，並稱：「廿蚊個」。樓主當堂打了個突，再確認一次：「二～十～蚊？！」，大嬸於是將洋蔥放落到秤上，再次表示：「二十呀」。
樓主不禁笑了出來，反問「個洋蔥鑲金㗎？斷克計㗎？」大嬸無言以對，樓主繼續追擊：「隔離菜檔十二蚊3個喎，做生意唔係咁做㗎喎，阿姐」。大嬸發侮氣地表示：「嫌貴唔好買」。樓主企硬要求對方交待清楚：「聽唔到，你大聲啲講多次」、「你夠唔夠膽大聲啲講廿蚊個洋蔥？」，大嬸即時笠水。
結果樓主沒有幫襯該菜檔，事後表示「其實去啲冇標價錢牌嘅菜檔都知有蠱惑，不過有個機會寸吓人都幾好」。樓主又指，一開始唔問價錢係因為內心已經有一個參考價，同預期相近的價位都會照買，笑言「因為窮又想要高質嘢，唯有買嘢嘅時候貨比三家」。
帖文引起網民熱議，「超級市場真係多謝晒呢班人，永遠將後生嘅客戶推去超級市場嗰邊」、「我去街市都成日比人意圖呃錢，好彩你醒目」、「係，所以唔好去d冇標價嘅菜檔，除非係出名reputation好嘅」、「食完係咪識變身㗎」、「其實係呃秤，拉得」、「街市永遠都係咁好令人失望，總之唔標價一定唔會買，問完唔買d面口差到呢」。
另有網民分享在街市買菜時類似經歷，「去街市買西蘭花$20個，再行過隔籬惠康$12兩個，從此（和）街市永別」、「我都試過買紅椒，計我廿四蚊，仲話美國嘅。可能真係好食d，可惜我無諗住洗咁多錢」。
收藏
取消收藏
分享
