【點新聞報道】由英皇電影出品《像我這樣的愛情》入選第38屆東京國際電影節「女性賦權」單元。電影由金像獎最佳女配角廖子妤與陳家樂主演，講述年輕女性阿妹在愛情與生活的壓力下，尋找自我價值的故事。導演譚惠貞、演員廖子妤與陳家樂於剛過去的周末親身飛往東京參加世界首映及映後座談，吸引來自世界各地的觀眾率先欣賞，三人更於電影放映後，與觀眾分享所感所想。
片中飾演腦性麻痺患者的廖子妤與飾演性義工的陳家樂同樣被觀眾激讚演出入木三分，其中Fish坦言角色難度甚高：「呢一個角色真係好難做，無論係肢體上嘅表達，又或者係個角色嘅心理，對我嚟講完全係好似重新投過一次胎咁。而我覺得最難表現嘅，就係角色嘅心理，因為身體嘅障礙咁大嘅時候，佢哋依然係可以保持到樂觀，對於我係比較難去進入嘅，需要花多啲功夫。」Fish更難忘開拍前獲劇組安排與身患腦性麻痺的朋友交流，令她更容易將他們感受投入角色。
而首度參加東京國際電影節的家樂戲裏戲外都大表興奮：「其實我收到劇本嘅時候，我係好興奮嘅，我嘅角色阿健係一個四肢健全嘅人，相反佢嘅內心係有殘缺，但係女主角阿妹雖然患有身障，但係內心係好快樂，所以呢兩個角色係好極端嘅對比，走埋一齊令我好想參與。」對於剃頭演出成為焦點，家樂難掩興奮更自爆零抗拒：「對於剃頭，其實我好開心，因為我覺得Gel頭好麻煩，所以當導演提出可以剃頭，我係第一時間應承。」
（點新聞特約記者陳惠芳報道）
收藏
取消收藏
分享
