【點新聞報道】近日有網民於社交平台上發文發相，指之前在一間餐廳用餐時石屎天花突然掉落，石屎塊砸到肩膀，但是事發後店方無人積極處理，最後僅提出「打九折」作為補償，網民怒斥店方處理方式不負責。
事主憶述，「突然醒起一樣弱智嘢。之前食飯食到一半，間餐廳個石屎天花lum(剝落)咗落嚟，好彩淨係砸到我膊頭無人想處理，最後個餐廳話俾9折我。」事主坦言，「事後我啲friend話唔止唔應該俾錢，仲應該叫佢賠」，並自嘲「而家諗返起好on9」。
帖文掀起網上熱議，許多網民表示正確作法應該是馬上報警並驗傷，以保障自身的權益，「呢啲情況一定要話頭痛頸痛好驚想嘔 報警睇醫生驗傷！！」、「9折？你應該報警入醫院驗傷呀⋯⋯」，還有網民直言「嗰舊拳頭大嘅石屎，跌過半尺由撞傷膊頭變撞落你天靈蓋，你依家分分（鐘）鐵喺停屍間。」、「膊頭換9折，樓主唔洗咁博喎」。
後續事主解釋，當時接受「打9折」的原因是「其實係我阿媽接受咗，我發現嗰陣佢已經俾完錢」。事主續指砸到自己的石屎塊較小，本人也無大礙，「算啦，其實好彩砸落我嗰啲係好細舊，我又冇乜事。同埋砸嗰陣我都已經食咗好多，我見個店員都好驚唔識搞」。
此外，不少網民諷刺店方的處理方式，「老闆：未骨折，可以九折」、「9折真係唔合理因為嘢食唔食得仲整親膊頭成身塵...」、「可能見你細個，是旦俾9折打發你走」、「呢個免單都唔夠」、「中膊頭9折，中頭先有5折」。
（本文為作者觀點，不代表本媒體立場）
收藏
取消收藏
分享
