【點新聞報道】日前本港社交平台上一則帖文引發熱議，有港男指在搭巴士途中意外聽到有廣播在説「多謝」兩字，事主直言，「儘管可能係啱啱每上100個顧客都會播一次…而咁啱聽到嘅我 竟然覺得有啲窩心」。
事主表示通常自己搭巴士刷八達通時都會（對車長）膽怯怯講一句「唔該」，「其實都係想多謝辛苦嘅巴士司機」。偶然間他搭巴士時竟聽到有廣播在説「多謝」，「最近留意到有兩次聽到用廣播出形式嚟嘅一句『多謝』。」
帖文掀起網民熱議，「我不嬲會講，好多時啲車長都會點頭回應，仲有小部分車長會講：唔使/唔使客氣。」、「其實而家都多人講唔該，但好多時真係反應唔切，因為冇預D人會講」。
有網民則表示「如果得我一個上車我會講唔該」，事主回覆「雖然好似好小嘅事，但又真係要D膽量」。
不過，亦有醒目網民解釋，「唔係巴士講架（㗎），係支付寶俾錢架機先有，八達通係冇嘅」、「城巴scan qr code嗰部機支付成功會播多謝」、「城巴你用visa/ master比（俾）錢就會播多謝聲」。
更有自稱車長的網民現身評論區，直言「有陣開工上客聽到有乘客同我講唔該，個心真係會暖一暖，但唔好介意我地（哋）無回應，我係聽到的，但有陣真係攰/反應唔切/睇緊幾時轉燈，所以未必回應到你，千祈唔好介意！」
收藏
取消收藏
分享
稿件由上傳 · 文責自負 · 不代表本網立場
