【點新聞報道】不少子女棄雙親而去，選擇移民他國，把老弱父母留港。一名移民澳洲的90後港女在網上發文透露內心的掙扎，話「自己都唔係後生，咁就放低咗老豆老母唔理，覺得自己係個不孝女」，不禁質疑當初移民的決定。
該名移澳港女在社交平台threads以「移民的掙扎」為題發文，提到當初向父母表示移民時，他們都沒有表現出很大反應，「一年前計劃嚟澳洲行HK pathway，屋企人都冇咩意見，冇支持冇反對。佢哋喺傳統亞洲家長，唔會將掛念、愛、情緒表現出嚟」。
樓主指自己放棄香港穩定收入，在澳洲重新出發，「自己都係90後、仲叫『後生』，屋企冇負擔，可以重新出發，咁就放棄咗香港嘅穩定收入，嚟咗悉尼讀住master先，試吓留低」。
然而，樓主最近發現父親身體大不如前，導致她愧疚不已，「最近同屋企人傾電話，先知原來老豆對腳同腰唔係好掂，唔可以再返工，行路都痛，突然覺得原來父母已經一把年紀」。
樓主自覺不孝，質疑當初移民的決定是否自私，「自己都唔係後生，咁就放低咗老豆老母唔理，覺得自己係個不孝女，家用又畀唔到，有時真係會掙扎，究竟呢條路係咪行錯咗 係咪好自私？」。
樓主惟有自我安慰移民是無對錯，「當然未來嘅野唔知，試咗先。留低定回流，所有決定都冇對錯，唯一可以做嘅係盡可能返一返香港見吓屋企人～」。
帖文釣出不少相同處境的同路人，「加油，我都計劃緊，喺掙扎當中，希望留喺澳洲同照顧到屋企人之間，取得平衡，有更好嘅生活 」、「加油呀，我都有咁樣掙扎過，我只可以話，爭取多D時間返香港同埋珍惜同佢哋嘅時間，如果佢哋願意，亦可以接佢哋嚟生活下」、「呢種stuggle無可避免會不停重複，每次諗通咗又會有新嘅struggle出現，人生嘅路係自己，唯有盡自己能力多啲返去探佢哋」、「出得嚟，咬緊牙關，捱埋去！」。
收藏
取消收藏
分享
