【點新聞報道】唱作歌手陳健安宣布將於明年1月10日晚假西九文化區舉行「陳健安時的狀態演唱會2026」。他將化身「時間領袖」，讓觀眾忘記身份、年齡和所有煩惱，投入他的音樂探索宇宙，尋找新伊甸園。這是安仔首次舉行個人戶外演唱會，笑言會變成「E人」，讓觀眾盡興。
安仔穿上大地色的西裝，在鋪了沙粒的「沙漏」場景拍攝演唱會海報，意寓他就是「沙漏」裏的「沙」，亦即是「時間」。安仔說：「今次演唱會叫『時的狀態』，我會喺演唱會中控制大家嘅時間。大家忘記曬所有嘢，跟住我嘅節奏、我嘅音樂，忘記各自嘅身份，唔係老闆、唔係員工、唔係媽咪、唔係男朋友、唔係女朋友⋯⋯乜都唔係，全部都係我嘅族人。一齊嚟到我嘅party，放低所有時間、年齡，等我帶領大家一齊享受整個音樂旅程。」
去年2月安仔在麥花臣場館舉行首次個人演唱會，今年轉戰戶外演出，他非常期待與觀眾享受由黃昏到日落的音樂世界。「我好開心，之前C AllStar喺呢個場開過演唱會，感覺好正，可以望住個天，由日光睇住日落唱到天黑，同大自然緊扣，我自己好鍾意睇festival（音樂節）。我都想今次演唱會似festival，好繽紛，有好多互動環節。做outdoor嘅騷，我個人都會outgoing啲，會『E』啲！」
信用卡優先訂票
優先購票日期：2025年11月3日（上午10時）至11月5日（晚上11時59分）
優先購票渠道：www.hotdogtix.com或HotdogTIX手機應用程式
票價：HK$1080/$780/$580
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
