【點新聞報道】出門旅遊入住酒店，要保持警覺。有港女近日北上出差，午飯後買了一杯飲品回房，「因為太飽飲咗幾啖就冇飲」，打開杯蓋放枱面後出門，回來發現杯蓋被執房員工蓋上，豈料「一打開 成條Ｘ毛喺杯蓋入面」，直言「都幾肯定杯嘢畀人加咗料，成件事好Ｘ恐怖。」
有港女近日在社交平台threads分享一次北上入住酒店的經歷，指與同事「出trip」北上住酒店，每個人都係獨立一間房。 本月17日當日下午，她買了一杯飲品回房，飲了幾啖、沒有蓋上杯蓋，便出了門，「今日食完lunch跟手買咗杯廢水諗住上房飲，上到房發現攞錯細飲管，索性撕開嚟飲，最後因為太飽飲咗幾啖就冇飲，之後就出咗門口，出門口前我冇冚返個杯蓋，就咁擺咗喺電話前」。
及後，樓主返回酒店，發現執房員工把飲品杯蓋被重新蓋上，豈料當她打開飲品，發現在杯蓋內有一條毛髮，「出完一日街返到嚟，諗住飲埋杯嘢，見到執房個個好好手尾咁幫我冚返杯嘢飲，結果一打開，成條Ｘ毛係杯蓋入面」。
樓主懷疑被執房人員「加料」，「我自己做咗laser（脫毛）」，就肯定唔係我嘅，都幾肯定杯嘢畀人加咗料」。樓主指成件事好恐怖，提醒「一個女仔住酒店真係小心啲」。
事件引起網民熱議，「嘩，勁嘔心，好彩發現到、「嘢飲呢家嘢，一離開得耐就唔會再飲，細個聽得多加料個案」、「出門在外通常開咗冇飲哂食哂，離開咗再返來都唔會要，嘥嘢都咁話」、「掂過嘴室溫放咗成日都唔應該再飲」、「本新嘢飲唔應該放咁耐再飲」。
另有網民懷疑事件出於意外，「打開個蓋都已經有可能飄條毛落去啦」、「有冇諗過係張枱抹得唔澈底，掃漏咗條毛，又或者第二啲物品唔知喺邊度黐咗條毛帶上枱面，杯蓋放枱面時咁啱放咗落條毛上面，黐咗杯底」。
樓主在留言區補充，「我打開完個蓋係就咁擺枱面（蓋向下）可以排除空氣中有毛意外跌落去先，因為條毛係喺蓋入面；其次我放低個蓋之前係有諗過有機會冚返個蓋，所以都有睇下個櫃面乾唔乾淨，見到乾淨先放低，所以我見到條毛嘅第一下真係唔覺得係咁啱跌咗落去嘅意外」。
收藏
取消收藏
分享
