【點新聞報道】不少移英港人家庭，因為沒有了工人姐姐，而揦手唔成勢。有移英港人在網上發文感嘆指「覺得幾諷刺」，話英國維多利時代的「家僕制度」，在二戰後取消後，從某個角度睇，其實是「生活方式倒退」，現時很多移英港人就要「體驗」英國戰後放棄嘅生活形態，結果帖文惹來網民群嘲。
對於英國沒有「外傭制度」，有移英港人在社交平台threads發文表示「都覺得幾諷刺」，話香港、台灣、韓國會有「外傭制度」，其實都係英國維多利時代嗰套「家僕制度（domestic servant system）」，當年英國人享受有人打理家務、照顧BB、煮飯洗衫，一切都被制度化。
樓主指，香港中產繼承咗呢套模式，變成「外傭制度」，「英國本土反而喺二戰後取消咗，因為覺得主僕制度太階級化、太落後。但諷刺就係——好多英國人其實好懷念呢種『有人幫手打理一切』嘅生活方式。」
樓主指移英家庭來到英國，沒有了工人姐姐，一切都要靠自己來做，「原本喺香港習慣咗『有外傭』嘅家庭，去到英國就發現要自己湊小朋友、自己煮飯、自己打掃。從某個角度睇，其實呢個叫『生活方式倒退』」。樓主慨嘆香港人移民返去，就要「體驗」英國戰後放棄嘅生活形態」，形容「真係幾黑色幽默」。
結果帖文惹來網民群嘲，「你無錢之嘛，正常英國人工實請到」、「英國又唔係無家傭嘅，只係唔係比『4000蚊港紙』就請到姐姐，你比4000磅就實有人做嘅」、「冇錢又想懶低價請工人，本身先係可恥」、「其實英國有錢嘅人，大把一樣有nanny, cleaner , gardener, chef, 司機，我隔離鄰居都有」、「其實用chatGPT 執篇文就唔該執好少少先出街啦 」、「請問『家僕制度二戰後取消』呢個講法你係邊度睇返嚟？有冇source? 呢個講法同我認知嘅歷史有分別。」
收藏
取消收藏
分享
稿件由上傳 · 文責自負 · 不代表本網立場
