【點新聞報道】管理員的職責是防止未經許可人士進入大廈，近日屯門有公屋發出通告，表示基於保安原因，不會為住戶提供開門服務，獲網民一面倒支持。
有網民在fb群組「公屋討論區-香港facebook群組」上載一張由房委會「安定邨辦事處」於本月14日發出的通告，明確表示不會為住戶提供開門服務，內容：「本處近日接獲居民反映，有住戶經常不輸入密碼，而要求保安員開門，此舉對本邨的日常保安工作造成影響。基於保安原因，除特殊情況外，保安不會為各住戶提供開門服務，敬請各住戶自行輸入密碼進入大廈。」
帖文引起網民熱議，大部分人都表示支持：「絕對合理，因為保安人員真係未必認得到住戶，見人就開門，真係有啲危險，尤其是年尾（高危）！」、「其實保安冇義務開門，如果唔係要個碼密鎖做咩」、「做法正確，刁民太多！」、「管理員唔開門都好合理，科技先進八達通都可以開閘，我住嗰條屋村就係八達通開門」、「用住戶卡最好，啲人老奉要人地開門，派埋啲垃圾廣告，連收舊電器都有呀」、「保安職責不是幫住客開門(年老者及需要尋求協助除外)」。
有網民認為，「開門畀你係人情，唔開門畀你係合理，唔投訴你睇電話瞓覺過年畀利是你係人情，投訴你睇電話瞓覺過年唔使畀利是你係合理」。另有網民笑言「唔係喎，新年嗰幾日個個保安都企晒喺門口幫住客開門喎」、「遲D新規，禁止新年向保安派利是」、「咁新年時又可以慳返D利是」。
收藏
取消收藏
分享
