【點新聞報道】英國的職場與香港各有不同，一名在英國的港女在網上發文，表示近日在香港和英國同時找到工作，分別收到兩地公司的錄取通知，以及薪酬福利方案，直言自己仍心大心細，遂問網民「緊點揀好」。
該名署名「倫敦港女」的網民在連登討論區以「英國25k vs 香港22k」為題發文，表示自己在香港工作了一年後，便去英國讀書，然後分別在香港和英國搵工，「點知兩邊都畀我搵到，而家收到兩個offer諗緊點揀好」。
樓主列出2份工作薪酬福利方案，英國的工作：月薪約2.5萬港元，公司是跨國大企業，25日大假，採用混合工作模式，即是在一星期當中有部分日子可以在家工作，其餘時間亦則要回到辦公室工作，但扣稅後每月實際收入約2.2萬港元，跟香港差唔多。香港的工作：月薪2.2萬元，屬中型公司，14日大假。
樓主補充，自己原本冇計劃太多「點知突然畀我搵到工」，稱自己沒有特定的偏愛，「我冇特別鍾意英國，又冇特別鍾意香港，但我覺得搵到錢嘅時候應該香港開心啲」。至於住屋的問題，樓主表示不論選擇香港或英國工作，均可在親戚家居住，「係咁意畀返家用」。不過，她也認為有英國大跨國公司的工作經驗，有助自己的事業發展，「係咪點都拎左英國經驗有so啲」。
帖文引來不少網民熱議，「英國稅又高治安又唔夠香港嚟，當然係留係香港發展啦，有咩好猶豫」、「想搵錢就返香港，想wlb（工作生活平衡）/去周圍玩就英國，但如果想發展career建議做幾年就返香港，英國做得耐會養懶人」、「AL計埋假期唔差好多，錢稅後差唔多，如果香港同屋企人住係屋企就香港好啲，因為唔少野都幾平，都係睇職業發展」、「你喺外國公司做完，份CV就算你真係搞唔掂要做返香港公司都易好多，你做香港公司做完份CV完全冇任何幫助」。
收藏
取消收藏
分享
