【點新聞報道】食店環境衞生相當重要。有港男在網上大呻日前幫襯旺角一間火鍋店時，驚見成枱曱甴，當堂無胃口，「真係食唔落大佬，拿拿聲埋單走人」。惟向店員反映情況後，對方解釋因前一晚舉行派對所致，並照收加一服務費。港男遂放上網公審，引起網民熱議。
該港男在社交平台threads發文表示，日前到旺角幫襯一間火鍋店時，見到成枱曱甴，即時埋單走人，「成枱曱甴⋯⋯真係食唔落大佬，拿拿聲埋單走人」。從樓主上載的照片可見，爐邊有曱甴出沒，紙巾上有曱甴屍骸。
樓主向店員反映情況後，對方禮貌地道歉，表示會作改善，解釋因前一晚舉行派對所致，並照收加一服務費，「除咗好有禮貌sorry之後會改善之外，加一服務費照收，聲稱尋日開party，所以咁」。樓主直指情況十分惡劣，認為「解釋咗係發生咁嘅事嘅原因，同顧客要承受毫無關係，唔等於我哋就需要受到如此嘅對待」。
帖文引起網民熱議，「佢意思係尋日啲曱甴開party呀」、「個爐入面一定成個家族大大細細係晒入面 」、「呢張單無可能要埋單囉」、「報食環啦」。
有幫襯過的網民分享遭遇，「半年前去食已經好多曱甴」、「上次去已經有曱甴，嘢食又唔算出眾，伏到傻」、「我上次去佢都係好多曱甴仔，佢哋解釋話係啱啱做完滅蟲，所以啲害蟲出哂嚟，連啲醬料都有曱甴…一樣都係講完sorry話唔好意思，加一都係照收，完全唔知間野想點…」。
收藏
取消收藏
分享
