【點新聞報道】英國移民局嚴格執行對於成年受養人的規限，有一名持有BNO dependent visa的70歲移英老婦，早前自行去澳洲探親後 ，返英國入境時被移民局查問，質疑她並非高度依賴人士，與申請簽證時提供的資料不符，結果即時取消簽證，並限14日內離開英國。
話說，BNO持有人申請父母作dependent，父母必須符合「成年受養人」的申請資格，包括父母需因年老、疾病或殘疾等原因，無法自理日常生活。有網民在fb群組「交流BNO申請資訊」分享朋友個案，指對方媽媽大約70歲，持有BNO dependent visa在英國生活。她早前佢去澳洲探親兩個星期，返英國入境嗰陣竟然出咗大問題。
樓主指，入境處質疑朋友的媽媽並非高度依賴人士，「入境處見佢自己一個人飛去澳洲、自己一個人返英國，申請佢來英國嘅個仔又冇同行，就開始懷疑佢簽證有問題。入境人員話，佢當初申請dependent visa時講到生活不能自理，需要家人照顧，但而家見佢行得走得、精神狀況好好，覺得情況同申請時講嘅唔符，仲懷疑佢當時交上去嘅醫生報告可能唔真確。」
樓主續指，朋友媽媽被當場取消簽證，「結果嗰日喺機場。入境處叫咗佢入去另一個辦公室問咗成兩三個鐘頭，最後出咗封正式信，話佢個BNO dependent visa已被取消，並且限佢14日內離開英國。入境人員仲講，會就佢當時提供嘅申請資料作進一步調查，如果有發現提供虚假資料或文件嘅情況，可能會有法律後果。」
樓主提醒同路人要睇路，「原來英國對dependent visa查得咁嚴，一旦覺得申請同實際情況唔符，可以即時撤簽。大家如果屋企有長者係用dependent visa 千祈唔好以為可以隨便出國旅行或者再申請其他國家簽證（例如美國） ，因為入境紀錄會互通，隨時會被懷疑。」
樓主奉勸移英長者要出國，最好有申請人同行，「如果長者真係要出國旅行，最好由申請佢來英國嘅家人一齊同行 ，咁樣先能顯示佢真係需要照顧同陪伴;否則，好容易俾入境處誤會情況唔符，結果就會好似呢位長者咁咁麻煩。」
收藏
取消收藏
分享
