【點新聞報道】乘搭交通工具，保持禮儀是常識吧。有乘客在社交平台發文表示，他於飛機上與朋友一同打機拍片，未料因動作幅度及聲浪問題，被鄰座乘客間接投訴。事主條氣唔順，出言反擊，還叫對方不滿意就去坐頭等，並將影片放上網圍爐取暖，結果反惹來網民圍剿，批評他的行為自私、冇家教。
事主在社交平台threads以「大家嚟評下理」為題發文，表示他與朋友乘搭香港快運航班，於機上使用Switch主機進行雙人遊戲，並試用新買的攝錄機拍影片，卻被鄰座乘客間接投訴，「出發去旅行，未到步先興奮，喺飛機到玩switch試用新機拍片，超級穩。點知隔離條友走去同隔離個阿姨講我哋打機狂chok騒擾到佢，阿姨仲誇張到戴耳塞」。
樓主強調已將音量調低，不滿對方向他人打小報告，遂以大聲回應方式反擊，「我哋打機都係開少少聲，忍唔住Ｘ佢，其實嫌嘈可以直接講，唔需要同個阿姨講，而且唔想嘈有本事咪去搭first class，真係掃晒興」。
樓主在留言講述事發過程，「成件事係佢走去同個三唔識七嘅阿姨講我哋狂chok搖埋張櫈騷擾到佢，又話我哋開聲玩，之後我條氣唔順，前面咁啱有人講嘢笑，我就乘機大聲畀說話佢聽 『前面唔好咁大聲啊，一陣又畀人話騷擾㗎啦』，之後佢又唔憤氣話返我不知所謂，我咪直接講 『你可以同我講我哋嘈到你，而唔係同個阿姨講』，佢話個阿姨都嫌我哋嘈所以戴耳塞，佢先同阿姨講喎，所以我哋咪叫佢去搭first class」。
帖文一出，旋即引起網民熱議，大部分都批評事主自私、冇家教，未有顧及他人感受，「公眾地方開聲打機/聽歌/睇片一律賤人 」、「chok到咁已經好騷擾，仲要開埋聲，自私L」、「冇家教，咁多Game唔玩，要玩隻郁嘅，以為chok手就淨係得隻手會震？靜啲啦成行你坐哂呀？ 」、「冇家教開大聲打機仲要擺上嚟鬧人，羞唔羞家？你唔去搭first class，打機拍片任你fing？」、「兩隻都Ｘ9，又唔係好多空間又死命咁chok擺明你哋問題，最笨Ｘ係拎上嚟申請搏Ｘ」、「自己咁Ｘ仲好意思擺上網圍爐」。
收藏
取消收藏
分享
