【點新聞報道】鮮有在港露面的原子鏸（Marsha），近日低調來港舉行迷你音樂劇《My Bubble and Me》。去年因母親鄭佩佩離世而陷喪母之痛的Marsha，經過調整之後而逐漸走出低谷。
Marsha透露今次來港只留一星期，主要是來換身份證及探望爸爸，順道做一個音樂劇。Marsha解釋：「音樂劇以我的真實故事作藍本，內容講述我嚟香港生活嘅故事，當時媽咪叫我試下嚟香港發展，媽咪帶領我成為一個藝人。」
Marsha對上一次在港演出已是2021年，她一直在美國有參演舞台劇及音樂劇，她表示：「從冇放棄過演藝事業，因為好鍾意演出，今次因為搵唔到場地，只能夠以小型形式進行，希望下年可以嚟港搞一個真正嘅騷。」移居摩洛哥的Marsha，透露今次丈夫與四歲大仔仔Matys亦有來港：「仔仔好有表演慾，鍾意引人注意，佢喺摩洛哥參加咗好多課外活動，玩陶瓷、烹飪、功夫，佢打功夫時，仲識得話自己跟婆婆一樣都係打功夫。不過我就唔多想佢入行。」至於仔仔會否來看她的音樂劇？Marsha表示不會：「老公會嚟睇，佢實在太活潑，所以我都生一個就夠，我老喇，哈哈！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
