【點新聞報道】外賣食品衞生十分重要，近日有網民目擊一名外賣員在送餐途中不慎倒瀉飲品，竟將倒瀉於外賣袋內的液體全部倒回杯中，然後繼續送餐，笑言「保證你收到order嘅食物」。
有網民在社交平台threads發文表示，指近日在觀塘工業中心目擊有名外賣員將袋中一至兩杯倒瀉的飲品倒回杯中，「貼心嘅外賣員將你杯嘢好安全咁放喺地下，再拎起外賣袋將倒瀉咗嘅飲品斜角倒返入去個杯度，以保證你係有收到你order嘅食物，全程仲保持禮貌嘅笑容㖭」。
樓主認為送外賣都要將心比己，「認真，如果太忙，行唔開，都係一個無可奈何叫外賣嘅原因，邊個唔想舒舒服服坐喺餐廳食餐飯吖！但返工係打工，送外賣都係打工，做人可否畀多兩毫子良心？將心比己，阿外賣仔你收工返屋企叫外賣，真係食得安樂？It goes both ways（它是雙向的）」。
樓主話經常見到外賣員搭電梯時將袋外賣放在勁污糟的地下，「但冇今次咁Ｘ離譜」，故希望透過社交平台找到事主，提醒他們不要喝。
帖文引來不少網民熱議，「我都祝福佢呢世唔會叫外賣呀」、「夠哂地道嘅飲品，根本就擺喺地度加工」、「唔封膜嗰啲一律唔會再買，自己拎都好易倒瀉，何況人哋送貨」、「早就知道呢啲係外賣仔日常，嗌得就唔會諗咁多喇」、「我寧願得半杯，都唔想要咁樣嘅一杯」。
收藏
取消收藏
分享
稿件由上傳 · 文責自負 · 不代表本網立場
