【點新聞報道】網上轉帳時，應保持警惕！近日有港男發文表示，突然在「轉數快」收到一筆10萬元的轉賬，並隨即有人WhatsApp傳訊息稱「轉錯數」。由於金額龐大，港男直言「真係唔敢郁」，已要求對方直接找銀行處理，帖文引發網上熱議。
該名港男在社交平台threads發文表示，「最近突然收到成十萬銀嘅轉賬，跟住有人又whatsapp我又打畀我，話係過錯數，我就叫佢搵銀行搞返，叫銀行做中間人去搞返退款。」從其分享的截圖可見，轉賬人透過WhatsApp聯絡事主，表示「唔好意思，我啱啱轉錯數畀您，麻煩覆電話畀我。」
事主不敢貿然行動，「大佬，十萬銀齊齊整整五個零，你話加減返幾千幾百都可信又或者只係過錯幾百蚊嘅話，我都可以直接過返畀你，但係十萬蚊我真係唔敢郁。」事主更自嘲「咁大個仔，個戶口第一次有六位數，竟然係因為人哋過錯數。」
最終，事主表示已聯絡銀行，請對方耐心地等候銀行處理。事主透露，曾與對方通電話，「同我電話上講咗『已經報咗警同埋搵咗銀行搞』，語氣上都客客氣氣，應該只係錯手轉錯掛」，但他強調「我都只係信銀行」。
帖文引發網民熱議，「極有可能係貸款陷阱」、「快啲問吓嗰間財務公司，係咪用你名義借咗錢，如果唔係等財仔上嚟搵你，就有排煩」、「可能隨機搵人洗黑錢，你都同警察銀行備案先」、「有可能係用你資料貸款，問銀行清楚啲，太多騙案 」。
不少網民指樓主處理方法適當，「做法正確，係真係假都交畀銀行處理最安全 」、「銀行短訊截圖，以電郵形式通知銀行有『不明來歴的入賬』，請銀行查核，劃清界線、以表清白」、「小心，騙徒常用手法，原封不動，一個月左右時間，銀行會處理好」。
收藏
取消收藏
分享
稿件由上傳 · 文責自負 · 不代表本網立場
