【點新聞報道】不少移英港人以為去到就一定可以享受到美好生活，之但係，有在英國生活數年的港人於網上發文指，除咗樓價相對平之外，英國其他方面如能源、食物、交通、稅務、效率、治安，其實未必好過香港，直言「唔係唱衰，只係現實」，認為「英國真係畀香港人吹噓得好誇張」。
一名自稱在英國生活數年的網民，於連登討論區以「老老豆豆，英國真係畀香港人吹噓得好誇張」為題發文，力數英國生活9大問題，在生活使費方面：「水電煤費貴：能源、供暖、用水全部高過香港好多，冬天開暖氣仲要小心荷包」、「近幾年超市價錢開始都唔平，出去食更加貴。有啲人硬係話『自己煮平啲』，但實際好多調味料、燃氣、時間成本唔計落去。」另外難以適應英國天氣，「天氣陰沉濕冷，冬天長期冇陽光，好多人精神都會受影響，唔係話『習慣咗就得』」。
樓主又提到當地薪金長期跑輸給通脹，出糧扣稅後差一大截，「人工低+工資增長慢：好多行業薪金追唔上通脹，實際可支配收入比香港少」、「稅負沉重：所得稅 + NI + Council Tax，加埋 VAT，俾咗政府一大截先剩生活費。」、「中產、富人成為提款機：加稅、縮免額、削津貼，補貼窮人福利，財政壓力越嚟越大。」
英國盜賊如毛，樓主指「治安唔似講咁好：偷車、爆格、刀仔搶劫、吸毒街友唔少見，唔係所有區都安全。」而英國政黨表現不濟，「工黨政策偏向『劫富濟貧』，中產成日被加稅，保守黨又多年內耗，缺乏實幹。」、「行政效率極慢：銀行開戶、地址證明、轉帳、政府部門處理文件，樣樣都可以拖幾個星期。」
樓主認為，唔少香港人移民英國後覺得生活好，其實主因是住屋環境大幅改善，「喺香港，樓價極高、租金負擔沉重，連中產都未必買到像樣單位。但喺英國，用相對合理價錢就可以租或買到大屋，仲有花園、車位，住得闊落舒服」。不過，樓主提醒不能單憑「住得舒服」就放大成「英國生活好」，指「有啲人甚至會吹到好誇張，但本質只係香港買唔到樓 → 英國終於買到」。
帖文引起網民熱議，「sad but true」、「呢啲就係取捨」、「食得咸魚抵得渴，條路自己揀，好壞自己負責」，但亦有網民質疑樓主是否真的在英國生活。
收藏
取消收藏
分享
