【點新聞報道】話說近年不時移民人士選擇回流返港，一名在加拿大的香港媳婦亦有意回港發展，惟遭到奶奶阻撓，奶奶嘗試不斷「洗腦」，唱衰香港冇前景、好危險，令她無奈嘆道，「我哋得三十幾點解要提早陪上一代退休？追求幸福是否不孝？」。
該名加拿大的香港媳婦，當初離港工作，做做下認識了另一半，仲結埋婚，就此走上8年的離家之路。她日前在社交平台threads發文抒發感受，「講到回流番香港，最大嘅難題係1） 搵唔搵到工 2）奶奶。奶奶好多年前移民加拿大，之後佢變得好討厭香港，同埋覺得呢度先有未來。」
惟樓主與老公兩人都覺得香港充滿機遇，躍躍欲試，「近年其實我哋有共識如果有工作機會想試下番香港、或者其他地方生活下，但係我一諗到佢（奶奶）嘅反應，都有點卻步。」樓主提到奶奶曾作出阻撓，「之前老公曾經有好嘅offer去第度工作，佢又發哂顛話咁樣唔會搵到錢，同埋搬走就會冇前途。有時，甚至我地返香港長少少時間都會反對，話成日番去嘥晒啲錢，又話香港好危險。」
樓主坦言真的想念香港了，「對我嚟講，（移民）真係有得有失，但每隔一段時間會我後悔錯失咗嘅快樂時間，嗰種唔開心嘅時候call朋友出嚟傾計、每星期同屋企人飲茶嘅時光，到大咗就明係仿如天堂嘅時光。」
樓主吐露出去與留的掙扎，指「做了媽媽後，深切體會世界在不斷地變，香港也是.... ....其實我很明白上一代對仔女的不捨與寄望。」但樓主不甘因此受制、受困，「我哋人生只過了一半，怎麼能限制自己定在一個地方到老呢？在外國，輕鬆度日同退休老人冇分別，但我哋得三十幾點解要提早陪上一代退休？追求幸福是否不孝？」
樓主認為，回流真係唔係失敗，因為好多人想做都未必做到，「返唔返去香港，而家我感覺好似要有少少奇跡先會發生。返左去又會唔會後悔？我都唔知」。樓主表示，還好2月可以返香港幾個月體驗一下再決定。
收藏
取消收藏
分享
