【點新聞報道】近日網上流傳一段影片，顯示一名司機伯伯在駕駛其間整個人微微傾斜着身體，全程側着頭開車，場面讓人害怕。
有網民在社交平台threads以「搭的士最心驚膽戰的一次！！！」為題發文，並附上一段影片。從該段影片中可見，這名司機側着頭在開車，即使是行經彎道時也保持同樣的姿勢。樓主直言，「個司機一直側住個頭揸車，仲要keep住過線，完全無對線行，成程都唔敢訓（瞓），係咁同佢傾偈，驚佢訓（瞓）著（着）」，其續指「過青馬大橋仲驚佢衝落條橋，真係好怕佢咁樣揸落去會出意外」。
帖文引起網民熱議，「好心政府呢d年紀咪再續牌啦」、「快投訴，唔好畀個馬路炸彈害人...」、「我都好驚搭哩（呢）啲司機既（嘅）車～～」、「投訴。」亦有網民揶揄「開多陣工就返老人院訓（瞓）」、「霍金都要揸的士搵食...」、「呢啲叫自動駕駛，瞓左（咗）都照揸」、「保持中間角度」、「畀啲信心阿伯！」。
另有網民表示自己疑似曾搭過該名司機的車，形容過程十分驚險，「見過佢幾次，次次都揸到亡命的士咁樣」、「我都好似有搭過佢車，又係全程歪住頭揸勁驚，全程都唔敢睇電話，淨係望住佢揸」 、「XX，我都坐過。係東區走廊側哂（晒）身chok下（吓）chok吓」、「X！我好似撘（搭）過佢，差啲炒車，一X樣嘅情況」。
收藏
取消收藏
分享
