【點新聞報道】一連兩場的《杜德偉GET UP 世界巡迴演唱會—香港站》昨晚（19日）在紅館舉行尾場，台下眾星雲集，黃子華、草蜢、吳建豪、林敏驄、方力申、杜德智、呂方囡囡Emma等在台下跳足全晚，十分興奮。
杜德偉表示，為了今次個唱尋回不少舊相片，又問大家是否看過《點解咁好笑》，當年的好拍檔林敏驄即在台下大叫「好好睇」，其後杜德偉唱《不走》時，一度感觸落淚。杜德偉表示自從做爸爸後，不時都會想起亡父杜奧利（Ollie Delfino）：「如果佢仲喺度今日都會入場，鏡頭影嚇佢，佢會揮嚇手。我同Daddy感情非常好，佢離開後我真係好難過，但有長輩安慰我，話佢會返嚟我身邊。識我Daddy嘅朋友，都會叫佢做Alex Daddy，直到我聽到有人叫我AJ Daddy ，我就明白曬。」杜德偉其後唱出《Wonderful World》時，大螢幕播出多張杜氏父子合照，之後身穿白色西裝的AJ驚喜現身舞台，三代同台隔空演出，場面既溫馨又感人。
杜德偉表示今次演唱會由2019年「起跑」，一直盡力做到最好，期間曾因疫情一度暫停，而他有感一切的改進，都是為了命中注定的香港站。杜德偉特別感謝由台灣飛香港撐場的Vanness吳建豪。除了感謝好友，杜德偉亦公開感謝太太Ice，他指對方性格外柔內剛，不時提點自己做得更好，而他亦會自我鞭策做得更好，以免被對方「食住」。
個唱尾聲，杜德偉開放點唱環節，除清唱《只想留下》，又即席清唱《鍾愛一生》，最後變成全場大合唱，成了個唱難忘的一瞬間。在唱《不要重播》時，Alex亦再度眼濕濕。
完騷後，杜德偉受訪時指三代隔空演出最感動：「綵排時都覺得到正式時會『瀨嘢』，嗰種感覺真係控制唔到，全場點曬燈，到我Daddy唱嗰部分支咪升上嚟，真係忍唔住好感動。可能因為香港主場，比上次台灣更有感觸。」杜德偉又希望可為囝囝AJ留下難忘時刻。被問到是否計劃5年後再開個唱，他認為一切隨緣，當「緣分」來到時，一定會盡力做到最好。
（點新聞特約記者陳惠芳報道）
收藏
取消收藏
分享
