【點新聞報道】寰亞音樂一年一度「GROOVE GALA MA FAMILY SCHOOL TOUR」又啟動，草蜢出道40年，第一次參與校園巡唱，與城大學生們零距離，全場超過300位學生逼爆宿舍花園，台上台下都又唱又跳，歡呼吶喊嗌encore，草蜢揚言勁過紅館開騷！
今年MA Family校園巡唱陣容有馮允謙（Jay)、陳健安、黃淑蔓（Feanna）、雲浩影（Cloud）、樂隊Nowhereboys Boys、新人盧慧敏（Amy Lo)，以及舞林新星蔡浩然（Scott）等大曬冷。其中在城市大學站，更有「元祖級男團」草蜢特別演出，首次參與School Tour的草蜢表示感覺新鮮刺激，草蜢以《華麗舞台》打頭陣，台下學生們跟住唱，企第一排觀眾更緊貼舞台零距離。蔡一智說：「紅館第一行都未必握到手。今日真係好近，一伸手就掂到！」他們邊說邊圍繞舞台與同學們握手和擊掌。
完場後，蔡一傑說：「今日好開心可以返到校園唱歌，我哋三個都好耐未試過呢種感覺，回憶返晒嚟！更估唔到一唱《華麗舞台》大家都識，還以為他們爸爸媽媽才識。好驚喜！其實我在台上有啲緊張，但最驚喜是台下小朋友識我哋三個大哥哥，我好開心。啲同學仔佢哋都好開心。」有同學高舉「我五歲就追草蜢」牌，草蜢表示好感動。
不少同學在宿舍樓房窗邊捧場，揮動手燈又做心心手勢打氣，蔡一智笑說：「佢哋好似喺啟德運動場坐包廂，VIP嚟㗎！」表演最後全場大合照，同學仔大叫encore，草蜢預告明年4月紅館演唱會，到時再見。蔡一智希望畢業禮再請他們來慶祝，又說：「下次直情搞個草蜢School tour啦！原來咁好玩，可以比佢哋感染到嗰種開心氣氛！」
（點新聞特約記者陳惠芳報道）
收藏
取消收藏
分享
