【點新聞報道】香港導演陳可辛（Peter）日前出席西班牙舉行的第58屆錫切斯國際奇幻電影節，除了擔任本屆影展的評審，更獲頒「卓越榮譽大獎」。
Peter領獎致辭時先以西班牙感謝大會，又幽默地表示：「拎到呢個獎，其實要還返呢個獎俾影展，因為我喺呢班年輕人身上學到好多嘢。而我覺得自己需要保持心境年輕、保持求知若渴、保持謙遜，喺電影語言上保持創新」。最後Peter亦感謝吳君如專程飛到西班牙見證他領獎。除陳可辛外，今屆更有執導《妙想天開》、《十二猴子》的英國名導泰利基咸（Terry Gilliam）、《小魔怪》系列的美國導演祖丹堤（Joe Dante）及《浮花》康城影后卡門莫拉（Carmen Maura）獲頒此榮譽大獎。
今次錫切斯國際奇幻電影節，Peter有出席《醬園弄·懸案》映後談，又分享巴塞隆納是他最喜歡的城市之一，41年前他21歲，到巴塞隆納拍攝，聲稱是他生命中最美好的六個月。另外，Peter擔任評審，他7天看了35部電影，直言是他人生中最累的7天。賽果於香港時間10月18日凌晨2時揭曉。
吳君如除專程飛西班牙陪Peter攞獎外，更憶起23年前兩人同遊西班牙往事，且分享Peter當年在天體海灘的艷史說：「Peter喺21歲嚟拍戲嗰陣，就第一次嚟Sitges的西班牙天體海灘，有幾個女仔喺佢面前同佢傾偈，佢話佢隻眼都唔知望邊度好！喺2002年佢話要帶我返去一次大開眼界！當時我都感覺好自由奔放。咁然後今次再返嚟發覺啲後生嗰個就着曬泳衣！天體嗰啲呢，就老過我同Peter，可能仍然係40年前嗰幾個女仔！」
（點新聞特約記者陳惠芳報道）
收藏
取消收藏
分享
