【點新聞報道】畢業紀念冊上面寫「萬里長城長又長、我倆友誼比它長」嗰啲，你唔係信人呀？有港女發文大呻，有移民英國的朋友覺得她已無利用價值，就再無聯絡，直言「移民真係友誼照妖鏡」。樓主亦唔稀罕，話已取消關注，決定直接斷崖式絕交。
該名港女在社交平台threads發文，概嘆「移民真係友誼照妖鏡」，指有移英朋友覺得她已經無利用價值，被當透明，「有啲朋友嚟到香港貼story先知，DM問下佢留幾多日就已讀不回」。樓主亦不再留戀，已取消關注，「佢嘅意思我好明白，所以我唔阻佢發達啦，密密unfollow正式成為大家生命中嘅過客」。
樓主深思了一日後，再發文表示「為此唔再令到自己咁困惑，我決定直接斷崖式絕交，與其喺人哋心目中可有可無，我不如花更多間係珍惜自己嘅朋友」。
不少網民留言鼓勵樓主，「一直視君子之交淡如水為金科玉律，移民日久見人心」、「加油，關係唔係單方面維持」、「朋友貴精不貴多啦」、「人生係好多嘢要斷捨離，尤其有毒嘅人際關係！」
收藏
取消收藏
分享
稿件由上傳 · 文責自負 · 不代表本網立場
