【點新聞報道】黃智雯相隔10年再與李思捷首度合作，日前在溫哥華隆重舉行《今晚睇李思捷加黃智雯一個因慈善演唱會2025》，更難得是二人在音樂領域上首次同台演出，黃智雯為了此次表演節食健身，李思捷嘆同黃智雯合作感覺就像兩兄妹，其中前輩黃淑儀亦驚喜成為座上客，令黃智雯受寵若驚，感動不已。
演唱會上，黃智雯獻唱多首歌曲，又跳又唱，她說：「為咗今次演出，事前都有練歌同排舞，呢兩個月都有健身做運動，保持最佳狀態，因為今次會有勁歌熱舞，件舞衣都有少少性感，為咗件舞衣，我都刻意節食，唔食最愛零食、雪糕，務求有好嘅體態。」
除了獨唱，黃智雯首度與李思捷合唱《來夜方長》與《陪着你走》，令觀眾大叫「encore」，黃智雯表示：「初出道就同思捷合作《老婆大人II》，飾演佢女朋友，當時我係一個新人，新到不得了，而佢又係一位前輩，當時同佢合作心情係戰戰兢兢，到第二次合作係《超能老豆》，思捷可以話睇住我成長，不過音樂舞台上我哋今次係第一次合作，佢好專業，好有台風，同思捷合唱好開心。」李思捷則表示同黃智雯合作感覺儼如兩兄妹：「估唔到我哋兩個把聲黐埋一齊都幾夾，好似兩兄妹咁，幾有默契。」
黃智雯這次演唱會除了為兒童醫院籌款外，又可重臨舊地與昔日的「戰友」與前輩見面，特別見到Gigi姐黃淑儀到場，更是受寵若驚，黃智雯謂：「上一次見面已是12年前，重臨舊地，見番之前的工作人員，內心有啲激動同感動，特別見到前輩Gigi姐，我同佢合作過好幾次，所以見到佢，我忍唔住第一時間要同佢擁抱。」
（點新聞特約記者陳惠芳報道）
收藏
取消收藏
分享
