【點新聞報道】一名在香港擔任英文教師的蘇格蘭籍 YouTuber Kate Barr（edukate___@IG），因在私人時間拍攝介紹在香港生活和本地人飲食文化的影片，被指無禮貌、不尊重本地文化，引起網民兩極反應。隨着事件持續發酵，她已被任教的學校以保障學生安全為由解僱。
Kate經營的YouTube頻道及Instagram專頁，不時拍片分享試食香港街頭小店的影片，如到葵涌廣場、街市掃街，吸引近9萬訂閱者。然而，她在影片中所展現的行為，包括逆行扶手電梯、隨地亂拋垃圾、不願學習廣東話，以及只買1只鵪鶉蛋等舉動，均被網民指責為不尊重香港本地文化。
有網民於社交平台threads發文狠批事主拍攝近200條影片，卻以英文為官方語言：「呢條女最大嘅問題係，喺香港拍咗咁多條片，食咗香港人咁多紅利，但一句廣東話都唔Ｘ識講，連最簡單嘅『幾錢』、『「唔該』都無句 」。
不少網民亦有同感，紛紛留言「佢啲行為講嘢態度個感覺勁似啲無見識無教養嘅白人，入街市都堅持同啲婆婆講英文」、「但係佢成日搲免費嘢食，買乜都話要一件一粒咁，駁人計唔到價錢畀佢，順手要free畀佢」、「點解佢咁鍾意嘢食淨係要1粒/1件/1條 」、「免費拎人地啲栗子鵪鶉蛋 好意思㗎wo」、「我都對佢好反感，語氣非常無禮貌。」、「真，勁粗魯又冇禮貌，好少會憎外國人介紹香港 」。
不過亦有網民不認同樓主看法，「佢既無獻媚，亦無鄙視，就係以一個外國人嘅角度，去試食一啲佢未食過嘅嘢。佢講廣東話我當然歡迎，但由幾時開始，唔講廣東話變成原罪？ 」、「唔係喎，我特登入去睇，人地有講 thank you ，態度Ok 呀，樓主係咪故意搞分化 」。
另有網民緩頰指，事主患有亞氏保加症，其行為並無立心不良，「咁所以有可能大家認為嘅 Kam（怪異），除咗本身 Kate 唔了解香港嘅文化同箇中嘅不成文社會規範之外，更大嘅可能係佢其實係生理上理解唔到呢啲隱藏嘅規範。」
隨着事件持續發酵，Kate於15日凌晨在社交不台發佈的影片，哭訴遭任教學校以學生安全為理解僱，目前失去了收入來源和與學生的聯繫，打算返回英國。
收藏
取消收藏
分享
