【點新聞報道】講真，移民真係好考驗一個人嘅適應能力，一名移民英國近一年的港男發文話自己拋低香港一切，在英國咬緊牙關生活，坦言會被「任何一句說話都可以打垮」。
港男與家人移民英國近一年，日前在社交平台threads一時有所感觸地指，「其實一個喺香港正常生活得幾好，準備升職加薪買樓結婚嘅後生仔，係唔會明我哋呢啲拋低香港一切嚟英國重新生活嘅人。佢哋無諗過任何一句說話都可以打垮一個正係到咬緊牙關過活嘅移英人士。」
沒頭沒尾的帖，引起網民關注，樓主後續解釋，「其實都唔係咩大件事，只係人生日常，同屋企人嘈交後其中一個情緒低落嘅夜晚。內容甚至同移民無關。不過正正係屋企人有時講嘅一句說話係可以插入心入肺。」樓主亦釋懷指，「打垮一直流唔出嘅眼淚，但發覺原來喊咗出嚟，個人會好返啲！」
不少網民質疑樓主「一句就打垮你？」，樓主回應指「打垮嘅係淚線，大喊一場聽日繼續努力」，有網民則安慰樓主，「你去咗幾個月啫，適應新環境係要時間。」
收藏
取消收藏
分享
稿件由上傳 · 文責自負 · 不代表本網立場
