【點新聞報道】港鐵車廂再爆讓座風波！網上瘋傳一段影片，指港鐵東鐵綫車廂內有阿伯強逼年輕女生讓座，女生被罵哭站在一旁，指控遭「歧視」。阿伯成功獲得座位後，坐在側邊的男乘客最終看不過眼，出言反擊阿伯，獲網民一致大讚。
有乘客在社交平台threads發文講述事發經過，「事源係疑似一個內地女生被一個阿伯X話唔肯讓座。之後女仔喺度話佢歧視佢同埋好多其他嘢」。樓主指，「本來以為阿伯獲得1分，本身以為件事已經完咗。」豈料，坐在側邊戴着AirPod （無線耳機）的男乘客看不過眼，「X返個阿伯轉頭」。
從影片可見，該名男乘客情緒激動地指責阿伯：「你有得坐就坐啦，講咁多嘢，嘈住晒！關你咩事，人哋讓唔讓，人哋都無開聲！」帖文形容：「阿伯：受到技能沉默，無法反擊；AirPod男：MVP。」最後，樓主補充，「我都唔buy阿伯的態度和做法……當時其實好似關愛座都係吉的」。
事件引起網民熱議，一面倒留言大讚男乘挺身而出，「型」、「護花使者」、「大快人心」、「講得好！應該拍手掌」；有網民則鬧爆阿伯的行為，「欺善怕惡」、「最憎啲人恃老賣老」、「見勢色唔對即刻笠水」、「再一次證明淨係識恰後生女 」、「唔止後生，佢哋淨係恰女人細路」 。
收藏
取消收藏
分享
