【點新聞報道】近日，有網民分享一則搭乘紅van小巴的趣事，指在小巴上遇一女乘客無現金支付車資，小巴司機竟出奇招相助。
事發於一輛由西貢開往銅鑼灣的紅van小巴上，樓主憶述，女乘客上車後發現車資只收現金，隨後女乘客便準備下車去撳錢。此時小巴司機主動向女乘客提出，讓她代買一包香煙作為車資，「唉你陣間7仔幫我買包煙，我俾返錢你，就咁啦」，並讓女乘客繼續搭乘。到達銅鑼灣後，司機便叫該名女乘客幫佢去便利店買煙，女乘客問「哦，買邊隻？」，司機表示「紅萬呀，知唔知萬寶路，紅色」，而目睹全程的樓主笑言「成個交易好smooth好彈性」、「香港小巴佬急才小癲」。
帖文掀起網上熱議，有網民大讚司機解困方法，「成單嘢好香港」、「大家講個信字」、「個客都有機會走嘅，小巴佬算係咁」、「靈活、反應快！」、「咁真係好正喎」，還有網民調侃「司機有賺」、「如果係男人可能就唔同結局」
另有網民分享類似經歷，「有試過得八達通，小巴八達通機壞咗，有個乘客幫我俾埋 好感動」、「我都試過 搭的士得$500司機叫我幫佢買嘢飲找錢」。
收藏
取消收藏
分享
